SHINDANO LA TANZANIA MOVIE TALENTS (TMT) LAKARIBIA MWISHO, WASHIRIKI 60 WACHAGULIWA KUENDELEA NA SHINDANO

Baadhi ya washiriki wa Shindano la Tanzania Movie Talents (TMT) wakiwa katika mazoezi ya Muswada (script) ambayo walipatiwa kwaajili ya Kuonyesha uwezo wao katika Shindano la TMT ambalo limeingia leo limeingia hatua ya tatu ambapo washiriki 60 wamefanikiwa kuingia hatua ya nne ambapo washindi watano kutoka Kanda ya Pwani watatangazwa leo jioni na kujinyakulia Kitita cha Shilingi laki Tano kila Mmoja.

Baadhi ya washiriki wakielekea kwenye Chumba cha Majaji kwaajili ya kuonyesha uwezo wao mara baada ya kukabidhiwa muswada (script) na kuufanyia mazoezi.

Washiriki wakisubiria kuingia kwa Majaji mara baada ya kumaliza kuifanya mazoezi Script waliyopewa na majaji.

Mmoja wa washiriki akihojiwa na Msanii wa Vichekesho Tanzania Joti mara baada ya kutofanikiwa kuingia hatua inayofuata ya kupata washindi watano watakaiwakilisha Kanda ya Pwani katika fainali kubwa ambayo mshindi Mmoja ataondoka na kitita cha Shilingi Milioni Hamsini

Mshiriki wa shindano la TMT (katikati) akilia mara baada ya kushindwa kuendelea na shindano hilo linaltarajiwa kumalizika mapema leo kwa washindi watano kutangazwa na kukabidhiwa Shilingi laki Tano taslimu.

Na Josephat Lukaza wa Proin Promotions Limited - Dar Es Salaam

Hatimaye shindano la Tanzania Movie Talents linatarajia kumalizika mapema leo kwa washindi watano Kupatikana na Kutangazwa na Jaji Mkuu wa Shindano hilo Bw Roy Sarungi na kupewa zawadi za Shilingi laki tano kila mmoja na baadae kuungana na washindi wengine kutoka Kanda ya Ziwa, Kati, Nyanda za Juu Kusini, Kusini na Kaskazini katika kinyanganyiro cha kuwania kitita cha Shilingi Milioni hamsini ambazo atapewa mshindi mmoja atakayeibuka katika fainali kubwa itakayofanyika Mwishoni mwa Mwezi wa nane.

Kanda ya Pwani ambayo inahusisha Mikoa ya Pwani, Dar Es Salaam na Morogoro itatoa washindi watano ambao nao watajumuika na washindi wengine ambapo watakaa nyumba moja na kufundishwa sanaa na walimu wa sanaa kutoka Chuo Kikuu cha Dar Es Salaam na Bagamoyo na baadae kuanza kushindanishwa na hatimaye kupatikana kwa Mshindi mmoja ambaye ataondoka na donge nono la Shilingi Milioni hamsini za Kitanzania.

Na katika fainali hiyo washiriki kumi bora watakuwa chini ya Kampuni ya Proin Promotions Limited na watafanya kazi ya pamoja na hatimaye kuuzwa na kunufaika na kazi hiyo.

Vilevile Vipindi vya Shindano hili la TMT visharushwa katika Kituo cha Runinga cha ITV na Jumamosi ijayo kipindi cha Dar Es Salaam kitarusha pia katika Kituo cha Runinga cha ITV saa 4 Usiku na Marudio ni Kila Jumapili saa 10 Jioni na Jumatano Saa 5 usiku.

Usikose kutazama Vipindi vya TMT ili kuweza kuwaona washindi wa kanda zote za Tanzania wakishindana na hatimaye kuweza kuona uwezo wao na kuwapigia washindi watakaonyesha uwezo na hatimaye kumfanya mshindi aliyekuvutia kuwa Mshindi wa Shilingi Milioni Hamsini za Kitanzania