Wilaya ya Kaskazini B watakiwa kutumia fursa za ajira kiwanda cha sukari Mahonda

 Mjumbe wa Kamati Kuu ya Halmashauri Kuu ya Taifa ya CCM Balozi Seif Ali Iddi akitoa salamu kwenye mkutano wa hadhara wa CCM Mkoa wa Kaskazini Unguja uliofanyika kwenye kiwanja cha michezo cha Mkaratini kilichopo ndani ya Jimbo lake la Kitope.

 Baadhi ya wanachama wa Chama cha Mapinduzi wakifuatilia matukio yaliyokuwepo kwenye Mkutano wa Hadhara wa Wana CCM wa Mkoa wa Kaskazini Unguja Hapo Kitope ambapo Mgeni Rasmi alikuwa Mwenyekiti wa CCM wa Mkoa huo Haji Juma Haji.

Wana CCM walijikuta wakinengua wakati Kikundi cha burudani cha CCM Big Star kikifanya vitu vyake kwenye mkutano wa hadhara wa CCM mkoa wa Kaskazini Unguja uliofanyika kwenye kiwanja cha michezo cha Mkaratini kilichopo ndani ya Jimbo lake la Kitope.

Picha na Hassan Issa wa – OMPR – ZNZ. 

Ombi hilo limetolewa na Makamu wa Pili wa Rais wa Zanzibar Balozi Seif Ali Iddi wakati akitoa salamu maalum kwenye Mkutano wa hadhara wa Wanachama wa Chama cha Mapinduzi wa Mkoa wa Kaskazini Unguja uliofanyika katika uwanja wa michezo wa  Mkaratini ndani ya Jimbo lake la Kitope.

Na Othman Khamis Ame, OMPR

Wananchi wa Majimbo ya Donge, Kitope na Bumbwini yaliyomo ndani ya Wilaya ya Kaskazini “B” wameombwa kuitumia fursa na bahati waliyoipata ya uwepo wa kiwanda cha Sukari Mahonda ambao utasaidia kwa kiasi kikubwa upatikanaji wa nafasi za  ajira wakati kitakapoanza rasmi kazi zake za uzalishaji wa sukari.

Balozi Seif alisema tabia ya baadhi ya watu kujaribu kufanya hujuma kwa kuchoma moto mashamba yaliyooteshwa miwa ya kiwanda hicho inaweza kuwafukuzisha wawekezaji ambao tayari wameshaonyesha nia ya kutaka kuwekeza vitega uchumi vyao hapa Nchini.