RAIS JAKAYA KIKWETE AMPIGIA PANDE DIAMOND PLATNUMZ

”Wapi Utapata Rais ambaye atakubali kutoa muda wake wa Thamani ambao unatafutwa karibu na kila mtu Duniani..akautumia kukusaidia kukukutanisha na kukuconnect na Mdau mkubwa Duniani katikaa tasnia uliyopo, ili kuhakikisha tu Unafikia Malengo na Ndoto ya kazi zako”

hayo ni maneno mazito aliyoandika Mwanamuziki Diamond Platnumz kwenye ukurasa wake wa Instagram akimshukuru Rais Kikwete  ikiwa ni masaa machache tangu mwanamuziki huyo aposti picha akiwa amekaa meza moja na Rais Jakaya Kikwete pamoja na Kevin Liles aliyewahi kuwa Rais ya rekodi lebo maarufu Duniani ya Def Jam   na Makamu wa Rais wa The Island Def Jam Music Group iliyowahi kuwatoa wakali kama vile Jay Z, Snoop, Young Jeezy, usher na wengine kibao.

Wahenga wanasema dalili za mvua ni mawingu na huenda hii ikawa ni fursa ya kipekee kwa Diamond kuweza kuitambulisha Tanzania katika anga la muziki wa kimataifa baada ya kukutanishwa na mdau huyo mkubwa wa muziki aliyeweza kudumu katika gemu kwa kipindi kirefu hasa ukizingatia kwa sasa Diamond ametajwa kuwania takribani ya Tuzo kubwa Tano ikiwemo ile ya BET, MTV, KORA na  AFRIMMA. All The Best Rais wa Wasafi. Kwa picha unaweza ukatazama hapo chini.

Pichani ni Diamond Platnumz akiwa amekaa meza moja na mdau Kevin Liles pamoja na Rais Kikwete