Jeshi la Polisi Kanda Maalumu ya Dar es Salaam, linamshikilia mtu mmoja kwa tuhuma za kukutwa na bastola inayodaiwa kuwa ilikuwa inamilikiwa na marehemu Dk Sengondo Mvungi.

Kamanda wa Polisi Kanda ya Maalumu ya Dar es Salaam, Suleiman Kova akiwaonyesha waandishi wa habari bastola iliyodai ni ya Marehemu Dk Sengondo Mvungi, ambayo polisi wamedai wamemkamata nayo mkazi wa Kiwalani katika eneo la Jangwani, jijini Dar es Salaam. PICHA|PAMELA CHILONGOLA

-----

Jeshi la Polisi Kanda Maalumu ya Dar es Salaam, linamshikilia mtu mmoja (jina tunalihifadhi), kwa tuhuma za kukutwa na bastola inayodaiwa kuwa ilikuwa inamilikiwa na marehemu Dk Sengondo Mvungi.

Kamanda wa Polisi Kanda Maalumu ya Dar es Salaam, Kamishna Suleiman Kova alidai jana kuwa mkazi huyo wa Kiwalani, Dar es Salaam alikutwa na bastola aina ya Revolver yenye namba BDN 6111 ikiwa na risasi 21 na baada ya kufuatilia kumbukumbu zao na kuwasiliana na familia ya Dk Mvungi walibaini kwamba ilikuwa ni ya mwanasheria huyo nguli.

Huyo anakuwa mtuhumiwa wa 10 kukamatwa tangu kutokea kwa tukio la kushambuliwa kulikosababisha kifo cha Mjumbe huyo wa Tume ya Mabadiliko ya Katiba.

Dk Mvungi alivamiwa nyumbani kwake Kibamba Msakuzi, Dar es Salaam usiku wa kuamkia Novemba 3, mwaka huu. Mbali ya kushambuliwa, wavamizi pia waliiba bastola, kompyuta mpakato (laptop) na simu tano za mkononi.Kwa Habari Zaidi Bofya na Endelea......