BODI YA TAFF TAIFA YAMNG’OA KATIBU BISHOP HILUKA UONGOZI

Bishop Hiluka aliyekuwa Katibu wa Taff aliyeng’olewa na Bodi ya Taff .

  Rais wa Taff Simon Mwakifwamba aliyekuwa anatakiwa kung’olewa na katibu wake.

:- Kwa kusuka mipango ya kumng’oa Rais Mwakifwamba

NI kikao kilichochukua zaidi ya saa nane kujadili agenda kadhaa lakini iliyoonyesha kuwa ni hatari na kuchukua muda wa wajumbe ilikuwa ni mikakati inayosemekana kusukwa na katibu Bishop Hiluka kutaka kumng’oa rais wa shirikisho la Filamu Tanzania Simon Mwakifwamba, hatimaye Bodi kwa kupiga kura ikafikia muafaka kuwa katibu aachie ngazi na Rais aendelee na uongozi.

Awali Bishop alikataa kujiudhuru kwa maelezo kuwa mwenye mamlaka ya kumuwajibisha ni Bodi ya Taff na si Rais wala makamu wake, jambo lilozua mjadala mkubwa baada ya Mwakifwamba kusema kuwa wajumbe wa Bodi haikuwa rahisi kumtambua yeye bila ya yeye kumtambulisha na wajumbe wakampitisha.

Uhasama uliopo inasemekana kuwa Katibu amekuwa akitoa siri za shirikisho kwa wapinzani na wasilitakia mema shirikisho, jambo ambalo lilimshitusha Rais na kuanza kufanya kazi kwa taadhali huku akimwangalia katibu wake, baada ya kufikia hatua hiyo ndipo Bodi ilipokutana leo ikiwa na nia ya kujadili baadhi ya mikataba ya Taff na wadau wanaotaka kufanya nao kazi.

Kikao kilibadili mwelekeo baada ya katibu kuleta agenda ya mpasuko ndani Taff ambapo Rais alipinga kuwa agenda hiyo haikuwepo katika agenda zilizopo jambo lililoonyesha kuwa watu hawa hawana mawasiliano pamoja kuwa ni watu wanaotegemea kiutendaji na kuonyesha hofu kubwa hasa pale Mwakifwamba aliposema kuwa hawezi kufanya kazi na Bishop.

FC iliongea na Katibu Bishop Hiluka baada ya kufikia maamuzi yaliyofikiwa kupigiwa kura za kumtoa katika nafasi yake ya ukatibu wa Taff, alisema kuwa kwake imekuwa nafuu kwani inampa nafasi ya kufanya kazi zake nyingine zenye maslahi tofauti pale sehemu kubwa ya kujitolea na bado kuna majungu.

“Taff hali ni mbaya tusidanganyane, nimekuwa na mtafaruku mkubwa sana na Mwakifwamba  kiutawala kwani mwenzangu  amekuwa akitengeneza platform ndani ya Taff kunipaka matope na kuzusha mambo ambayo hayana ukweli wala faida kwa tasnia ya filamu Tanzania,”anasema Bishop.

Bishop anasema kuwa aliomba kujiudhuru zaidi ya mara tatu lakini bodi ya Taff  imekuwa ikimzuia ikitaka asiondoke hadi asimamie uchaguzi upite ndio wangeweza kuangalia njia ya kumpata katibu mwingine hivyo hata alipoambiwa ajiudhuru alisema kuwa alishaomba mara nyingi sana kufanya hivyo akazuiwa.

“Lakini leo wakaniambia nipumzike nimepata amani kwani nimekuwa nikikosa hata pesa kwa ajili ya familia ya kwa ajili ya Taff, siku za hivi karibuni nilipunguza kabisa kufika ofisini na kuangalia kazi zangu zinazonipa riziki tena kwa amani,”anasema Bishop.