NICE & LOVELY MISS TANGA 2014 WAKABIDHI MSAADA WA VYAKULA KITUO CHA WATOTO YATIMA TANGA

Warembo wa Miss Tanga wakiwa wamebeba msaada wa vyakula walivyopeleka kituo hapo.
Warembo wa Miss Tanga wakiwa wamewabeba watoto hao na kuzungumza nao.
Mwakilishi wa kampuni ya Loriel watengenezaji wa mafuta ya Nice & Lovely, Donata Mallya akimkabidhi msimamizi mkuu wa kituo hicho, Josephine Lyimo moja ya misaada waliyoipeleka kituoni hapo.

Washiriki wanaowania shindano la kumtafuta mrembo wa mkoa wa Tanga, Nice & Lovely Miss Tanga 2014 jana wametembelea kituo cha kulelea watoto yatima cha Association Cassa Familia kilichopo eneo la Raskazone jijini Tanga na kutoa msaada wa vyakula na sabuni za kuogea na kufulia.

Washiriki hao ambao watapanda jukwaani kesho jumamosi 21/06/2014 Mkonge Hotel kuwania taji la Miss Tanga 2014, waliwakabidhi watoto hao mchele kilo 50, unga wa ugali kilo 50, mafuta ya kupikia lita 20, sabuni za kufulia na kupikia pamoja na mafuta ya kujipaka naya nywele ya Nice & Lovelly.

 

Akiongea wakati wa kukabidhi msaada huo, mwakilishi wa kampuni ya Loriel ambao ndio wadhamini wakuu wa shindano hilo, Donata Mallya amesema wameamua kutoa msaada huo kama sehemu ya kuwajali na kuwathamini watoto hao.

Nice & Lovelly Miss Tanga 2014 linafanyika kesho Mkonge Hotel kuanzia saa moja usiku na burudani itatolewa na Malkia wa taarabu nchini, Hadija Omary Kopa.

 

Shindano hilo limedhaminiwa na Nice & Lovelly, Redd’s, EATV, Breeze Fm, CXC Africa, Rweyunga Blog na Mwambao Fm