MLEMAVU WILAYANI MAKETE AKABIDHIWA MSAADA ALIOAHIDIWA NA CCM.

MLEMAVU WILAYANI MAKETE AKABIDHIWA MSAADA ALIOAHIDIWA NA CCM.

 Mwenyekiti wa CCM wilaya ya Makete Francis Chaula akimkabidhi Sadock shilingi laki moja.

 Mlemavu Sadock akishukuru kwa kupewa fedha hiyo.

======

Na Edwin Moshi, Makete

Chama cha mapinduzi (CCM) wilaya ya Makete mkoani Njombe kimetekeleza ahadi yake kiliyoitoa mwezi uliopita kwa mlemavu Sadock Mahenge ya kumpatia shilingi laki moja kwa ajili ya kukarabati baiskeli yake

Akimkabidhi fedha hizo taslimu nyumbani kwake, Mwenyekiti wa CCM wilaya ya Makete Francis Chaula amesema kwa kuwa walimuahidi kumsaidia kurekebisha baiskeli yake na yeye kuaninisha gharama, ndipo wamempatia kiasi hicho cha fedha kwa ajili ya marekebisho hayo ili kumsaidia kutembea

"nakumbuka wakati wa ziara yangu mwezi uliopita nilikuahidi mimi kwa niaba ya chama, hivyo ahadi hiyo tumeitekeleza naomba nikukabidhi fedha hizi shilingi laki moja zilizotolewa na CCM" alisema Chaula

Kwa upande wake Sadock Sanga amekishukuru chama hicho kwa kutekeleza ahadi hiyo, na kuahidi kuzitumia fedha hizo kama zinavyotakiwa kwa kurekebisha baiskeli yake ili imsaidia kuzunguka maeneo mbalimbali kutekeleza wajibu wake

Makabidhiano hayo ya fedha yameshuhudiwa na diwani wa kata hiyo Ashel Mwalyoyo, pamoja na viongozi mbalimbali wa chama