LATEST KUTOKA NAIROBI KENYA:wATU 30 Wahofiwa kuuwawa na magaidi Nairobi, Kenya

LATEST KUTOKA NAIROBI KENYA:wATU 30 Wahofiwa kuuwawa na magaidi Nairobi, Kenya

Kufuatia watu wenye silaha kuvamia jengo la ghorofa nne lenye maduka la Westgate jijini Nairobi sasa inahofiwa angalu watu 30 wameuawa na wengine zaidi ya 50 kujeruhiwa vibaya.

Kwa mujibu wa taarifa za Shirika la Msalaba mwekunde la Kenya idadi ya waliofariki imeongezeka hadi 30. Washambulizi wangali ndani ya jengo hilo na inaaminika wangali wamewateka nyara baadhi ya watu waliokuwa katika duka hilo.

Mtu mmoja ambaye amejificha ndani ya jengo hilo ameiambia BBC kwamba ameona watu wapatao 36 wakiwa wameshikwa mateka na waru hao. Wakati huo huo taarifa kutoka ikulu ya Rais Kenya inasema kwamba serikali imeanzisha oparesheni kali ya uokozi. Hii nikutokana na taarifa kwamba watu hao wenye silaha wanawashikilia mateka watu kadhaa ndani ya jengo hilo.

Hata hivyo Ikulu ya Kenya imesema ni mapema sana kusem a kwamba tukio hilo ni la kigaidi. Ikulu ya Nairobi vilevile imesema ni mapema mno kusema kama uvamizi huo ni tukio la kigaidi au la.

Walioshuhudia kisa hicho wanasema watu waliovalia magwanda yalioonekana kama ya kijeshi huku wengine wakiwa wamefunika nyuso zao walivamia jengo hilo kwa wakifyatua risasi. Kisa hicho kimetokea katika eneo la kifahari la Westland jijini Nairobi .

HABARI ZAIDI BOFYA BBC SWAHILI